Betri Stofan og Jason Kristinn sími 775 1515 kynnir: Glæsilegt 316 fm einbýlishús við Hrólfsskálavör 14, sjávarlóð, innst í botnlanga, sunnan megin á Seltjarnarnesi.
Samtals. 5 svefnherbergi. 3 baðherbergi. 
Efri hæð: Stór flísalögð forstofa með hita í gólfi, eldhús með Smeg eldavél og háf, búr, borðstofa, stofa með arinn, útgengt úr stofu út á svalir og garð, gengið niður í sólstofu með góðri lofthæð og þaðan er útgengt út á pall með heitum potti og sjávarútsýni.
Svefnherbergjagangur með 3-4 herbergjum: Eru í dag tvö stór svefnherbergi, (hægt að skipta öðru þeirra upp í tvö minni) og einnig er eitt minna herbergi sem er notað sem skrifstofa.
Flísalagt baðherbergi með sturtu og gólfhita.

Neðri hæð: Opið sjónvarpshol, tvö stór herbergi (útgengt úr öðru herberginu út á pall og suður garð í átt að sjónum), þvottahús, baðherbergi með sturtu, stór geymsla og innan gengt í bílskúr/stúdíó íbúð.
Bílskúr/Stúdíó íbúð: Búið er að útbúa um 40 m2 stúdíó íbúð í hluta bílskúrsins (2021) og er inngangur í hana úr bílskúrnum sem og hurð úr garðinum að sunnanverðu. Íbúðin skiptist í svefnrými, stofu, eldhús og baðherbergi með sturtu/þvottahús.  Gólfhiti er í allri íbúðinni og hún flísalögð.  Eldvarnarhurðir eru inn í bílskúrinn.

Viðhald: Húsið var tekið í gegn 2015 og m.a. allar neysluvatnslagnir endurnýjaðar, ný rafmagnstafla, tölvuskápur með netskipti og tenglum í flest herbergi, skipt um gler í gluggum sunnan megin og allt málað.  2021 var settur hljóðdempandi dúkur í loftið í eldhúsi og stofu með Philips Hue ljósakösturum og allt húsið/gluggar málaðir.
Stór pallur með heitum potti var smíðaður árið 2019 og hluti lóðar að framan og að stúdíóíbúðinni hellulagður 2023. 
Einnig er 15 fermetra geymsluskúr í garðinum ásamt niðurgröfnu trampólíni.
Lóðin: Samtals 1.014 fermetra sjávarlóð á sunnanverðu Seltjarnarnesi.
 
Þetta er glæsileg eign á sjávarlóð sem liggur beint að fjöru á einstaklega fallegum og skjólgóðum stað á Seltjarnarnesi. Sjón er sögu ríkari.

Bókið skoðun: Jason Kristinn Ólafsson, sími 775 15 15 - löggiltur fasteignasali - [email protected]
 

Gjöld sem kaupandi þarf að standa straum af ef að kaupum verður:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: kaupsamningi, skuldabréfi, veðleyfi, afsali o.s.frv. er kr. 2.700 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. gjaldskrá.